რუსეთის განცხადება ,,იგივე გაკვეთილია" საქართველოს ხელისუფლებისთვის

რუსეთის განცხადება ,,იგივე გაკვეთილია" საქართველოს ხელისუფლებისთვის - ბაჩუკი ქარდავა

პოლიტიკა - 17:09, 09 Oct, 2014

2470

,,ფორბსთან" პრეზიდენტის ინტერვიუში ჟურნალისტი აღნიშნავს, რომ საქართველო აშშ-ს პოლიტიკის რადარიდან გაქრა, რაც ძალიან სამწუხარო დასკვნაა ჟურნალისტის მხრიდან. საქართველომ უელსის სამიტზე მიიღო მინიმუმი, რაც კი შეიძლებოდა მიეღო ნატო-ში ინტეგრირების გზაზე და ამ მინიმუმში ერთ-ერთი ყველაზე მეტ-ნაკლებად ეფექტური იყო ნატოს სასწავლო ცენტრების საკითხი, რომელიც ბაზებისგან ძალიან შორის არის, თუმცა მიმაჩნია, რომ არაფერს ნამდვილად ჯობია.მიუხედავად იმისა, რომ ჩვენი ხელისუფლების ძალისხმევით, სამწუხაროდ, დასავლეთის ქვეყნების დედაქალაქებში საქართველოს საკითხმა უკანა პლანზე გადაიწია, რასაც თითქოს რუსეთი უნდა დაემშვიდებინა, მიუხედავად იმისა, რომ უელსის სამიტი არ იყო რაიმე განსაკუთრებული გარღვევა საქართველოსთვის, რუსეთი მაინც გაღიზიანებულია. ეს არის იმის მაჩვენებელი, რომ რუსეთისთვის, ზოგადად, ქართული სახელმწიფო და მისი დამოუკიდებელი საგარეო პოლიტიკაა მიუღებელი.

ჟენევის ფორმატზე ის თავს გვახვევს ქართული სახელმწიფოს ტერიტორიული მთლიანობისა და უსაფრთხოებისთვის კატასტროფულ ვარიანტს, ანუ ძალის არგამოყენების დოკუმენტზე ხელმოწერა აფხაზებთან და ოსებთან, რაც დამღუპველია ჩვენთვის, ხოლო უელსის სამიტის იმ მინიმალურ მიღწევასაც კი მტრობად აღიქვამს. ეს არის ,,იგივე გაკვეთილი" ქართული ხელისუფლებისთვის. თუ ადრე ვამბობდი, რომ ერთდროულად ნატო და რუსეთთან რაიმე სახის ურთიერთბის დარეგულირება შეუძლებელია, ეხლა კიდევ უფრო მწვავედ შემიძლია ამის თქმა ბოლო განცხადებების ფონზე - რუსეთთან რაიმე სახით ურთიერთობის დარეგულირება უტოპიაა, უნდა გავიგოთ, რომ საჭროა მაქსიმალური დისტანცირება რუსეთისგან, ოღონდ არა დაპირისპირების რეჟიმში გადასვლა და ჩვენი პოზიციების აქტუალიზება დასავლეთის ქვეყნების დედაქალაქებში.

ამისათვის საჭიროა ხელისუფლებამ მაქსიმალურად შეუწყოს ხელი საზოგადოების კონსოლიდირებას ქვეყნის უსაფრთხოების საკითხების გარშემო და ქვეყნის შიგნით თავი შეიკავოს ისეთი ნაბიჯების გადადგმისგან, რომელიც შემაფერხებელია საქართველოს ევროატლანტიკური ინტეგრაციისთვის", - განაცხადა ბაჩუკი ქარდავამ.