საქართველომ უნდა გამოიყენოს ნატოს-თან თანამშრომლობის ყველა შესაძლებლობა

საქართველომ უნდა გამოიყენოს ნატოს-თან თანამშრომლობის ყველა შესაძლებლობა - გაბაშვილი

პოლიტიკა - 16:08, 09 Oct, 2014

1323

საქართველოში ნატო-ს ინფრასტრუქტურის განვითარებაზე, რუსეთს საგარეო უწყების რეაქციას ეხმაურებიან ,,ნაციონალური მოძრაობის“ ლიდერები. გოკა გაბაშვილის თქმით, საქართველოს აუცილებლად უნდა გამოიყენოს ნატოსთან თანამშრომლობის ის შესაძლებლობები, რომელიც ამ ეტაპზე აქვს.

,,აუცილებლად უნდა განვითარდეს აქ ნატო-ს ინფრასტრუქტურა, უნდა გაიხსნას საწვრთნელი ბაზები და რაც შეიძლება მეტი თანამშრომლობა უნდა გვქონდეს სამხედრო თვალსაზრისით. რუსეთის საგარეო საქმეთა სამინისტროს განცხადებებს და ზოგადად რუსეთის პოზიციას ამ მხრივ ყურადღება არ უნდა მივაქციოთ, რა თქმა უნდა რუსეთის ინტერესებშია, რომ საქართველოს სუვერენიტეტი იყოს სუსტი და დაუცველი. ჩვენს ინტერესებშია, რომ საქართველო იყო ძლიერი და პირველ რიგში ჩვენი სტრატეგიული პარტნიორების დახმარებით“, - განაცხადა გაბაშვილმა.

რუსეთის საგარე უწყების განცხადებაში აქცენტი საქართველოში ნატოს ინფრასტრუქტურის განვითარების საკითხზეა გაკეთებული და აღნიშნულია, რომ ”ასეთი ქმედებები საფრთხეს შეუქმნიდა ამიერკავკასიის რეგიონში ჩამოყალიბების პროცესში მყოფ სტაბილურობას.”

ამასთან, განცხადებაში აღნიშნულია, რომ ნატოს ბოლო სამიტზე მიღებულმა გადაწყვეტილებამ „საგრძნობლად გაზარდა აუცილებლობა, დაიდოს შეთანხმებები ძალის გამოუყენებლობის შესახებ თბილსს, სოხუმსა და ცხინვალს შორის.“

საგარეო უწყება ირწმუნება, რომ ამ მიმართულებით ჟენევის შეხვედრაზე ეფექტურ ნაბიჯად რუსული პროექტი განიხილეს.

ჟენევაში ქართული დელეგაციის ხელმძღვანელი, საგარეო საქმეთა მინისტრის მოადგილე დავით ზალკანიანი კი ირწმუნება, რომ ეს საკითხი ჟენევაში საერთოდ არ ყოფილა განხილული.