სოფელ ლამბალოში მომხდარ ტრაგედიას ახალგაზრდა იურიუსტთა ასოციაციის თავმჯდომარე კახა კოჟორიძე ეხმაურება.

მისი თქმით, მსგავს შემთხვევებზე გამოძიება და შემდგომი რეაგირება აუცილებელია.

„იმ შემთხვევაშიც, თუ ეს ამბავი თვითმკვლელობით არ დამთავრდებოდა, ეს შემთხვევა ცალკე დანაშაულის შემადგენლობას ქმნის და აუცილებელი იყო გამოძიება. სიუჟეტში ადამიანები გაგონილს და ვინმეს მონაყოლს კი არ ჰყვებიან, ამბობენ იმას რაც თავისი თვალით ნახეს. ეს ყველაფერი მთელი სოფლის თვალწინ ხდებოდა. ასეთ შემთხვევებზე რეაგირების არ მოხდენა სახიფათო იქნება“, - ამბობს კოჟირიძე.

სოფელ ლამბალოში ახალგაზრდა ქალი, რომელიც ღალატში დაადანაშაულეს, სოფელში ჩამოატარეს და ფიზიკურ შეურაცხყოფას ადგილობრივი მოსახლეობის თვალწინ აყენებდნენ.

ამ სისასტიკეს სოფელში ტრადიციებით ხსნიან და არც იმ ადამიანებს ამტყუნებენ, რომლებიც ორი შვილის დედას საჯაროდ, მთელი სოფლის თვალწინ სცემდნენ.

ამის შემდეგ 30 წლის ქალმა თავი მოიკლა.