დევნილთა და განსახლების მინისტრის ინფორმაციით, 23 ათასზე მეტი დევნილი ოჯახი 200-ლარიან დახმარებას მიიღებს.

სოზარ სუბარის თქმით, თანხა დევნილებს ზამთრის პერიოდში გათბობის უზრუნველსაყოფად გადაეცემათ.

"23 ათასზე მეტი ოჯახი, რომელთაც აქვთ 70001 ქულაზე ნაკლები სოციალურად დაუცველთა ბაზაში მიიღებს ერთჯერად დახმარებას ორასი ლარის ოდენობით.

დევნილებს შეეძლებათ, პირველი ნოემბრიდან, პირველი მარტის ჩათვლით, ეს თანხა დენის და გაზის გადასახადისთვის დახარჯონ. ეს არის გათბობისთვის დახმარება სახელმწიფოს მხრიდან. ეს შარშან უკვე გაკეთდა და წელსაც განმეორდება",- განაცხადა დევნილთა და განსახლების მინისტრმა.