საქართველოს თავდაცვის მინისტრი, ირაკლი ალასანია აცხადებს, რომ ნატო-ს ინფრასტრუქტურა საქართველოში შეიქმნება. ეს კი აუცილებელია რეგიონში სტაბილურობის დასამკვიდრებლად:

„ნატო-ს ინფრასტრუქტურა საქართველოში შეიქმნება, ეს არის მიღწეული შეთანხმება ნატო-ს სამიტზე. საქართველო-ნატო-ს შეთანხმება სწორედ ამას ემსახურება, რომ საქართველოში გაიხსნას ნატო-ს ინფრასტრუქტურა, საქართველოსთან ერთად, ბუნებრივია, რომ ჩავატაროთ ერთობლივი წვრთნები და ამით ავამაღლოთ, როგორც შეკავების ფაქტორი იმ აგრესიის, რომელიც რუსეთიდან მოდის და ასევე, ავამაღლოთ ჩვენი თავდაცვისუნარიანობა. ეს არის გადაწყვეტილი.

მე ასევე მინდა ვთქვა, რომ ეს მხოლოდდამხოლოდ ხელს შეუწყობს რეგიონში, ჩვენს ქვეყანაში სტაბილურობის გამყარებას. ძლიერი საქართველო არის იგივე კონტრიბუტორი ძლიერი სტაბილურობისთვის რეგიონში“, - განაცხადა ირაკლი ალასანიამ.