საქართველოსა და რუსეთის პრეზიდენტების შეხვედრის საკითხი ჯერ მომწიფებული არ არის, - ამის შესახებ პრეზიდენტის მრჩეველმა საგარეო ურთიერთობების საკითხებში, თენგიზ ფხალაძემ განაცხადა.

მისი თქმით, ქვეყნის პირველი პირი ნებისმიერი შეხვედრისთვის მზად არის, რომელიც ქვეყანას წაადგება.

"პრეზიდენტს არაერთხელ უთქვამს, რომ ნებისმიერ პოლიტიკურ ფიგურასთან შესახვედრად მზად არის, რომელმაც საქართველოს შეიძლება დადებითი მოუტანოს. რაც არ უნდა რთული იყოს ეს შეხვედრა, საქართველოს პრეზიდენტი ამას არ გაურბის, თუმცა დღეისთვის ეს საკითხი დღის წესრიგში არ დგას. პრეზიდენტების შეხვედრა არ მზადდება ერთ წუთში. ასეთი სამზადისი არ დაწყებულა", - განაცხადა თენგიზ ფხალაძემ.

რაც შეეხება კითხვას, რამდენად არის შესაძლებელი საქართველოსა და რუსეთის პირველი პირების შეხვედრის საფუძველი გიორგი მარგველაშვილის საპრეზიდენტო ვადის განმავლობაში შეიქმნას, ფხალაძის პასუხობს: - „ბევრი რამ შეიძლება შეიცვალოს 5 წელიწადში. ყველაფერი შეიძლება მოხდეს".