თბილისის მერი დავით ნარმანია ნიკა მელიას ურჩევს შეავსოს შესაბამისი განაცხადი და მოქალაქეთა მიღების დღეს, თბილისის მერთან შეხვედრა სცადოს. ამის შესახებ კომენტარი თბილისის მერმა მერიის წინ, დღეს ჩატარებული აქციის შეფასებისას გააკეთა:

„დღეს ძალიან საინტერესო სცენარი დადგეს თბილისის მერიის წინ, როგორც ჩანს სურდათ, შოუს ელემენტებიც ჰქონოდათ, მაგრამ არ გამოუვიდათ ანუ შოუმენობაც არ შეუძლიათ. მათ სურდათ სიტუაციის არევა, მაგრამ ამას ვერ მიაღწიეს.

რაც შეეხება მოქალაქე მელიას, ჩვენ გვაქვს მოქალაქეთა მიღების წესი და შეუძლია შეავსოს განაცხადი და მოვიდეს. მას როგორც მოქალაქეს მთავრობის სხდომაზე დასწრების უფლება არ აქვს“, - განაცხადა დავით ნარმანიამ.