პრეზიდენტის მიერ პატიმრების შეწყალებასთან დაკავშირებით კომენტარს შეწყალების კომისიის თავმჯდომარე, ზვიად ქორიძე აკეთებს. მისი განმარტებით, დანაშაულების დაყოფა პრეზიდენტის მხრიდან დისკრიმინაციული ნაბიჯი იქნება:

„ეს მიდგომა, რომ მძიმე და განსაკუთრებით მძიმე დანაშაულების მიმართ არანაირი გულმოწყალების მექანიზმი არ გამოიყენოს პრეზიდენტმა, ეს არის გარკვეულწილად უპასუხისმგებლო განცხადება. ამიტომ, დაყოს დანაშაულები იმის მიხედვით, რომ რაღაცის მიმართ შეიძლება იყოს გამოყენებული შეწყალება და რაღაცის მიმართ არა, მე მიმაჩნია, რომ ეს არ არის მართებული და მეტიც, ეს საკმაოდ დისკრიმინაციული იქნება“, - განაცხადა ზვიად ქორიძემ.