საქართველოს პრეზიდენტმა გიორგი მარგველაშვილმა ჟურნალ „ფორბსის“ ქართული გამოცემისთვის მიცემულ ინტერვიუში პოლიტიკური ოპონენტების დაჭერაზეც ისაუბრა.

პრეზიდენტის განმარტებით, ამ საკითხზე შეერთებული შტატების სახელმწიფო დეპარტამენტის მიერ გაკეთებულ არცთუ სასიამოვნო განცხადებას საქართველოს ხელისუფლებამ არ უნდა წაუყრუოს და აუცილებლად უნდა გასცეს პასუხი.

„პოლიტიკური ოპონენტების დაჭერებთან დაკავშირებით მე არაერთხელ მომიხდა განმარტებების გაკეთება, განსაკუთრებით მაღალი რანგის საერთაშორისო ვიზიტების დროს. პოლიტიკური ანგარიშსწორება მთავრდება, როდესაც ითვლება ხმები და ერთი პოლიტიკური ძალა გამოდის და ტოვებს ხელისუფლებას, ხოლო მეორე პოლიტიკური ძალა მის მაგივრად იკავებს ხელისუფლებას“,- განაცხადა გიორგი მარგველაშვილმა.