საქართველოს პრეზიდენტი პუტინს არ იცნობს, თუმცა იმედოვნებს, რომ ის რაციონალური პოლიტიკის მომხრე იქნება და დადგება რეალობა, როდესაც ქართულ-რუსული ურთიერთობები ორივე ქვეყნის ინტერესებიდან გამომდინარე აიგება.

მისივე თქმით, რუსეთის პრეზიდენტს ის უყურებს, როგორც ადამიანს, რომელსაც საქართველოსთვის მნიშვნელოვან საკითხებზე რეალური გადაწყვეტილებების მიღება შეუძლია.

„პუტინი ჩემთვის საინტერესოა, როგორც საქართველოსთვის ყველაზე რთული საკითხების რეალურად გადამწყვეტი ადამიანი. მე მას პირადად არ ვიცნობ, მაგრამ იმედი მაქვს, რომ ის არის რაციონალური პოლიტიკის მომხრე და რაღაც მომენტში შესაძლებელი იქნება ჩვენი ქვეყნების ინტერესებიდან გამომდინარე ქართულ-რუსული ურთიერთობების აგება“, განაცხადა საქართველოს პრეზიდენტმა ჟურნალ „Forbes Georgia”-სთან ინტერვიუში.