„ნაციონალური მოძრაობაში" სახელმწიფო ბიუჯეტში ხელფასების, პრემიებისა და სახელფასო დანამატებისთვის გამოყოფილ თანხებს აპროტესტებენ და აცხადებენ, რომ 2015 წლის ბიუჯეტის პროექტში ამ მიმართულებით 323 მილიონი ლარით მეტია გამოყოფილი, ვიდრე ეს 2012 წელს, სააკაშვილის ხელისუფლების პერიოდში იხარჯებოდა.

ზურაბ ჯაფარიძის თქმით, 2013 წელს სახელფასო ანაზღაურებაზე და პრემიებზე ქართული ონცების მთავრობამ 2012 წელს სააკაშვილის ხელისუფლებასთან შედარებით 138 მილიონი ლარით მეტი დახარჯა.

„თუ შევადარებთ რა უჯდება ივანიშვილის მთავრობა საქართველოს მოსახლეობას, ვნახავთ რომ 2013 წელს მთავრობის შენახვა დაჯდა 138 მილიონი ლარით მეტი ვიდრე 2012 წელს სააკაშვილის მთავრობა, 2014 წლის მხოლოდ 6 თვეში მთავრობა დაჯდა 130 მილიონი ლარით მეტი ვიდრე 2012 წლის ანალოგიურ პერიოდში, ხოლო 2015 წელს დაგეგმილია რომ მთავრობის ხელფასებსა და პრემიებზე დაიხარჯოს 323 მილიონი ლარით მეტი ვიდრე 2012 წელს დაიხარჯა. 2015 წლის ბიუჯეტის პროექტში კვლავ, ზედიზედ მეორე წელი, არ არის გათვალისწინებული პენსიების ზრდა. იმ შემთხვევაშიც კი თუ ჩასწორებულ ბიუჯეტის ვარიანტში მოხდება პენსიების ზრდის გათვალისწინება, ეს შესაძლებელი იქნება მოხდეს მხოლოდ სიმბოლური თანხით. პრაქტიკულად არ იზრდება თავდაცვის ბიუჯეტი და მცირდება არაფინანსური აქტივების ზრდის მაჩვენებელი, რაც ნიშნავს რომ ქვეყნის თავდაცვისუნარიანობა სუსტდება. ამ და სხვა მიზეზების გამო, ენმ 2015 წლის ბიუჯეტის წარმოდგენილ ვარიანტს მხარს არ დაუჭერს“, - აცხადებს ჯაფარიძე.