საქართველოს პრეზიდენტმა 115 მსჯავრდებული შეიწყალა. ამის შესახებ შეწყალების კომისიის თავმჯდომარემ ზვიად ქორიძემ განაცხადა.

მისი თქმით, კომისიაში შესული 699 განაცხადიდან შეწყალების კრიტერიუმებს 312 აკმაყოფილებდა, თუმცა საბოლოოდ 115 დაკმაყოფილდა.

შეწყალებული პატიმრებიდან 88 სასჯელაღსრულების დაწესებულებას დღეს დატოვებს. შეწყალებულთა შორის არიან არასრულწლოვნები და ერთი ქალბატონი.

შეწყალებულ პატიმართა სიაში მოხვდნენ მძიმე დანაშაულისთვის გასამართლებულები. კერძოდ, მსჯავრდებულები, რომლებიც განზრახ მკვლელობის ბრალდებით იყვნენ დაკავებულები. 2 მათგან სასჯელი შეუმცირდა.