ამაზე კომენტარი არ მაქვს, ძალიან ვწუხვარ

ამაზე კომენტარი არ მაქვს, ძალიან ვწუხვარ - რამაზ ნოზაძე

სოც.მედია - 18:49, 07 Oct, 2014

21129

მოჭიდავე რამაზ ნოზაძე, ლუკა კურტანიძის მეუღლის მიერ სოციალურ ქსელში გამოქვეყნებულ პოსტს გამოეხმაურა. ხათუნა მიქაცაძე სოციალურ ქსელში ოჯახური ტრაგედიის - ბავშვის დაკარგვის შესახებ წერდა.

როგორც ნოზაძე “Prime Time News”-სთან ამბობს, თუ აღნიშნული ფაქტი სიმართლეს შეესაბამება, ეს სამწუხაროა.
"ვნახე ეს პოსტი, ამაზე კომენტარი არ მაქვს, თუ ეს ამბავი მართალია, ძალიან ვწუხვარ. მაგრამ ჭიდაობის და პირადულის ერთმანეთთან დაკავშირება რა შუაშია, მართლა ვერ ვხდები", - ამბობს ნოზაძე.
ლუკა კურტანიძის მეუღლემ ხათუნა მიქაცაძემ სოციალურ ქსელში ოჯახური ტრაგედიის შესახებ ცოტა ხნის წინ დაწერა.
"20 წუთია რაც ექიმიდან გამოვედი... ჩემი პირადით არასოდეს შემიწუხებია საზოგადოება. არც ყვითელ პრეს-კამერებთან დამიწყია ოდესმე პოზირება. ახლა კი ყველას გასაგონად და ხმამაღლა მინდა ვთქვა - მაპატიე შვილო. მაპატიე დედი რომ არ მოგიფრთხილდი... ექიმის რჩევა წოლითი რეჟიმი და სიმშვიდე შემენარჩუნებინა ვერ გავითვალისწინე. ვერ შევძელი ლუკას, ჩემი სიცოცხლის მეორე ნახევრის გარშემო ატეხილი უსამართლო პროცესებისთვის მშვიდად მესმინა... სანამ ჩვენს პირად ცხოვრებას შეეხებოდნენ, მანამდე კიდევ მქონდა იმედი, რომ საკუთარ სახელსა და ჯიბეზე მომართული ადამიანები თავის თავში მოძებნიდნენ ძალას, რომ პირადი კეთილდღეობაზე მაღლა ქვეყნისა და ერის სიყვარული დაეყენებიათ... ადამიანობას მოკლებული, გარეწარი და ჩემი ვერ დაბადებული 9 კვირის შვილის მკვლელი ხარ შენ რამაზ ნოზაძე, არჩილ ქიტიაშვილო, დავით მოძმანაშვილო", - წერს ხათუნა მიქაცაძე სოციალურ ქსელში.