საქართველოში აშშ-ის ელჩი რიჩარდ ნორლანდი პრეზიდენტ გიორგი მარგველაშვილს შეხვედრისას ყოფილი მაღალჩინოსნების დაკავებაზე აშშ-იდან გაჟღერებული კრიტიკის შესახებ ესაუბრა.

ნორლანდი დაინტერესდა, რას უპასუხებს მარგველაშვილი დასავლელ პარტნიორებს აშშ-იში პირველი ოფიციატული ვიზიტით ჩასვლისას.

„ბატონო პრეზიდენტო, როდესაც დაიგეგმება თქვენი ვიზიტი შტატებში. მაინტერესებს, რას უპასუხებდით იმ ადამიანებს, რომლებიც სკეპტიკურად და კრიტიკულად უყურებენ საქართველოში არსებულ ვითარებას? რას უპასუხებდით სკეპტიკოსების მოსაზრებას, რომ საქართველო უფრო წარსულით არის შეპყრობილი, ვიდრე - მომავლით?“,- მიმართა ნორლანდმა მარგველაშვილს.

მარგველაშვილის თქმით, სამართალდამცველებმა თავიანთი საქმე პოლიტიკური სარჩულის გარეშე უნდა შეასრულონ.

„მე ყურადღებით ვუსმენ ჩემს კოლეგებს დასავლეთიდან და ვფიქრობ, რომ ჩვენმა საზოგადოებამ პროცესში აქტიური მონაწილეობა უნდა მიიღოს. თუ სასამართლოს ჩვენ ვუკარნახებთ, რა უნდა გააკეთოს, ეს დემოკრატიის მაღალ სტანდარტზე ვერ აისახება. პოლიტიკური ვენდეტა იქ მთავრდება, სადაც თავისუფალი არჩევნებია და პოლიტიკური ძალები არჩევნების გზით იცვლებიან. სამართალდამცავმა ორგანოებმა თავიანთი საქმე უნდა შეასრულონ და ეს ყოველგვარი პოლიტიკური სარჩულის გარეშე უნდა მოხდეს“,- განაცხადა პრეზიდენტმა.