საკრებულოს ფრაქცია ,,ქართული ოცნების“ თავმჯდომარე რიმა ბერაძე მერიის მაღალჩინოსნებზე დანამატის გაცემასთან დაკავშირებით განცხადებას აკეთებს.

მისი თქმით, გამომდინარე იქიდან, რომ საჯარო მოხელეს 24 საათიან რეჟიმში უწევს მუშაობა, მისი შრომა შესაბამისი ანაზღაურებით უნდა დაფასდეს.

"მოგახსენებთ, რომ მერიას საკრებულოს თანხმობა არ სჭირდება. ეს თანხები 2014 წლის ბიუჯეტში იმთავითვე იყო გათვალისწინებული. ამ თანხების გაწევა არ ხდება იმ 30 მლ. საკრედიტო ხაზიდან, რომელიც მერიას საკრებულომ დაუმტკიცა. ამასთან დაკავშირებით მოსახლეობა უკვე არაერთგზისაა ინფორმირებული, რომ აღნიშნული თანხებიდან სოციალური, ბინათმესაკუთრეთა და ოლიმპიური სოფლის ინფრასტრუქტურული პროექტები დაფინანსდება.

რაც შეეხება ჩვენს დამოკიდებულებას, გუნდს აღებული გვაქვს უდიდესი პასუხისმგებლობა მოსახლეობის წინაშე და ორიენტირებულები ვართ შედეგზე. აქედან გამომდინარე გვიწევს 24–საათიანი მუშაობა და მიგვაჩნია, რომ საჯარო მოხელეს უნდა ჰქონდეს შესაბამისი ანაზღაურება“,- განაცხადა რიმა ბერაძემ.