კახი კალაძე ჯანყარაშვილთან დაკავშირებით პოლიტსაბჭოს გადაწყვეტილებას აფასებს

პოლიტიკა - 14:15, 07 Oct, 2014

1782

,,ქართული ოცნების“ აღმასრულებელი მდივნის პოსტზე ზვიად ჯანყარაშვილის დანიშნვნა შეაფასა ვიცე-პრემიერმა კახი ხალაძემ. მისი განმარტებით, ჯანყარაშვილის კანდიდატურას პოლიტსაბჭომ მხარი ერთხმად დაუჭირა. როგორც კალაძემ აღნიშნა, პარტიისთვის მნიშვნელოვანია ისეთი პიროვნება, რომელიც აქტიურად იქნება დაკავებული პარტიული საქმიანობით. მისივე განმარტებით, არც პარტიის თავმჯდომარეს და არც მას, როგორც გენერალურ მდივანს, საქმიანობიდან გამომდინარე დრო არ ყოფნით პარტიული მუშაობისთვის.

"ძალიან მნიშვნელოვანია პარტიული მშენებლობის საკითხი. 2012 წლიდან საარჩევნო პროცესში ვართ. მნიშვნელოვანია სოციალ-დემოკრატიულ იდეოლოგიაზე დაფუძნებული პარტიის ჩამოყალიბება. მნიშვნელოვანია იყოს პიროვნება, რომელიც დღე და ღამე აქტიურად იმუშავებს პარტიული საქმიანობისთვის", - განაცხადა კახი კალაძემ.

პარტია "ქართული ოცნება - დემოკრატიული საქართველოს" პოლიტსაბჭომ პარტიის აღმასრულებელ მდივნად ზვიად ჯანყარაშვილი დაამტკიცა.

სხდომას, რომელიც პრემიერ-მინისტრი ირაკლი ღარიბაშვილი ხელმძღვანელობს, პარტიის გენერალური მდივანი კახი კალაძე და ასევე უმრავლესობის რამდენიმე წევრი ესწრება.

პოლიტსაბჭოს წევრებმა სხდომის დაწყებამდე განცხადებები გააკეთეს და ბოლო პერიოდში გავრცელებული ინფორმაცია, რომ ზვიად ჯანყარაშვილსა და კახა კალაძეს შორის ინტერესთა კონფლიქტი არსებობს, კატეგორიულად გამორიცხეს.

მათივე განცხადებით, თუ ვინ იქნება პარტიის აღმასრულებელი მდივანი ეს მხოლოდ პარტიის გადასაწყვეტია.

შეგახსნებთ, რომ ზვიად ჯანყარაშვილმა შინაგან საქმეთა სამინისტროს გენერალური ინსპექციის ხელმძღვანელის თანამდებობა საკუთარი ნებით, მხოლოდ იმის გამო დატოვა, რომ ის იყო პრემიერის ახლო ნათესავია.