კანონმდებლები დღეს პრეზიდენტის მიერ პარლამენტისთვის ხელმეორედ წარდგენილი უზენაესი სასამართლოს მოსამართლეობის კანდიდატებს მოუსმენენ.

ნინო ბაქაქურთან და ზურაბ ძლიერიშვილთან შეხვედრა იურიდიული კომიტეტის სხდომაზეა დაგეგმილი.

უმრავლესობის ნაწილი ვაკანტურ ადგილებზე მათ დამტკიცებას ემხრობა, ნაწილს საბოლოო გადაწყვეტილება ჯერ არ მიუღია. ჯერჯერობით უცნობია მხარს დაუჭერს თუ არა უმცირესობა კანდიდატებს.

საპარლამენტო უმცირესობის წევრის, გივი თარგანაძის განმარტებით, უმცირესობა არ ცდილობს უმრავლესობას საკუთარი აზრი თავზე მოახვიოს.