,,ქართული ოცნების“ ლიდერებს ზვიად ჯანყარაშვილი შეემატა, ის აღმასრულებელ მდივნად დაამტკიცეს

პოლიტიკა - 09:46, 07 Oct, 2014

2089

პარტია "ქართული ოცნება - დემოკრატიული საქართველოს" პოლიტსაბჭომ პარტიის აღმასრულებელ მდივნად ზვიად ჯანყარაშვილი დაამტკიცა.

სხდომას, რომელიც პრემიერ-მინისტრი ირაკლი ღარიბაშვილი ხელმძღვანელობს, პარტიის გენერალური მდივანი კახი კალაძე და ასევე უმრავლესობის რამდენიმე წევრი ესწრება.

პოლიტსაბჭოს წევრებმა სხდომის დაწყებამდე განცხადებები გააკეთეს და ბოლო პერიოდში გავრცელებული ინფორმაცია, რომ ზვიად ჯანყარაშვილსა და კახა კალაძეს შორის ინტერესთა კონფლიქტი არსებობს, კატეგორიულად გამორიცხეს.

მათივე განცხადებით, თუ ვინ იქნება პარტიის აღმასრულებელი მდივანი ეს მხოლოდ პარტიის გადასაწყვეტია.

„კარგი გადაწყვეტილებაა, როდესაც პოლიტიკურ პარტიას შეემატება ისეთი ადამიანი, როგორიც არის ზვიად ჯანყარაშვილი. მას აქვს ძალიან კარგი პიროვნული რესურსი, გამოციდლება, პროფესიული კომუნიკაციის უნარი, მენეჯმენტის ცოდნა და ორგანიზაციული თვისებები, რომელიც ახლა ძალიან სჭირდება ჩვენს პარტიას, შიდა სტრუქტურული საკითხების გადასაწყვეტად. მე ვფიქრობ, ეს იქნება გამაძლიერებელი პარტიის შიდა სამუშაო პროცესისთვის“,- განაცხადა ეკა ბესელიამ.

შეგახსნებთ, რომ ზვიად ჯანყარაშვილმა შინაგან საქმეთა სამინისტროს გენერალური ინსპექციის ხელმძღვანელის თანამდებობა საკუთარი ნებით, მხოლოდ იმის გამო დატოვა, რომ ის იყო პრემიერის ახლო ნათესავია.