„მოქალაქის“ მიერ ჟურნალისტების გადამზადების პროექტი ვერ განხორციელდა, რადგან ამ კუთხით მედიის წარმომადგენლებმა პასიურობა გამოიჩინეს.

ამის შესახებ ექს-პრემიერმა ბიძინა ივანიშვილმა განაცხადა.

მისი თქმით, ამ ეტაპზე ანალიტიკოსების მომზადების პროცესი მიმდინარეობს.

"ჩვენ გამოვაცხადეთ განაცხადების მიღება, მაგრამ როგორც ვიცი ჟურნალისტების მხრიდან აქტიურობა არ ყოფილა. ძალიან ცოტა ნაწილმა მოისურვა მონაწილეობა. ეს იყო პირველი პროექტი და საკმაოდ ფართოდ გაშუქდა. როგორც ვიცი, გრძელდება ანალიტიკოსების მომზადების პროცესი, მაგრამ ჟურნალისტების მხრიდან აქტიურობა არ გამოვლენილა. დიდი შედეგი არ მოჰყოლია, რამეთუ სურვილი არ ჩანდა ჟურნალისტების მხრიდან", - განაცხადა ბიძინა ივანიშვილმა.

ექსპრემიერი ეროვნულ ბიბლიოთეკაში ორგანიზაცია "მოქალაქის" ორი პროექტის "სამოქალაქო განათლების ოლიმპიადა" და "სტუდენტები თვითმმართველობისათვის" პრეზენტაცია დაესწრო.