„თუ ფარულ მოსმენებთან დაკაშირებით ე.წ. გასაღები შინაგან საქმეთა სამინისტროს დარჩა, შესაძლოა უკანონო მოსმენები გაგრძელდეს“, - ეს განცხადება ლაშა ტუღუშმა გააკეთა.

გაზეთ „რეზონანსის“ რედაქტორის თქმით, მოსმენებთან დაკავშირებით მიღებული საკანონმდებლო პაკეტი პირველ ნოემბრამდე უნდა იყოს მიღებული.

„შინაგან საქმეთა სამინისტროს რეალურად სჭირდება კონტროლი. ჩვენ ვშიშობთ, რომ უკანონო მოსმენები გაგრძელდება. ეს არის დავის მიზეზი. თუ დავუტოვებთ ამ გასაღებს შინაგან საქმეთა სამინისტროს, დიდი ალბათობაა იმისა, რომ ეს უკანონო მოსმენები კვლავ გაგრძელდება, რაც ადრე იყო და რაც არავის არ მოგვწონდა“, - განაცხადა ტუღუშმა.