არასამთავრობო ორგანიზაციები პრემიერ-მინისტრის უდანაშაულობის პრეზუმციის დარღვევაში ადანაშაულებენ. „საია“ და „საერთაშორისო გამჭვირვალობა - საქართველო“ არასარულწოლოვნის მისამართით ირაკლი ღარიბაშვილის მიერ რამდენიმე დღის წინ გაკეთებულ განცხადებაზე საუბრობენ.

სამოქალაქო სექტორის წევრების თქმით, პრემიერ-მინისტრმა იმის დასადსატურებლად, რომ სასამართლო თავისუფალია მაგალითად მოიყვანა „რუსთავი 2“-ის ჟურნლისტის ძმის საქმე, როცა სასამართლომ პირველმა ინსტანციამ მას არ შეუფარდა წინასწარი პატიმრობა.

მათი თქმით, ეს ბადებს ეჭვს, რომ მიმდინარეობს სერიოზული კონტროლი. ახალგაზრდა იურსტებმა, შესაძლოა, იუსტიციის უმაღლეს საბჭოს იმ მოსამართლის წინააღმდეგ საჩივრითაც მიმართონ, რომელმაც „რუსთავი 2-ის ჟურნალისტის არასრულწოლოვანი ძმის საქმე განიხილა.

„ჩნდება შთაბეჭდილება, რომ ჟურნალისტები და მათი ოჯახის წევრები განსაკუთრებული მონიტორინგის ქვეშ იმყოფებიან და პრემიერი დაინტერესებულია უმნიშვნელო საქმეებითაც. რომელიც შეეხება ჟურნალისტებს და მათი ოჯახის წვერებს. მე ვფიქრობ, ეს არის აბსოლუტურად მიუღებელი დამოკიდებულება, ჩვენთვის გაუგებარია პრემიერ-მინისტრს საიდან აქვს დრო, იმისთვის, რომ ჟურნალისტების ოჯახის წევრებით დაინტერესდეს. ვფიქრობთ, რომ ეს შეიძლება აღქმული იყოს, როგორც გზავნილი ჟურნალსიტებისთვის, იმისთვის, რომ მათ იმოქმედონ ისე როგორც შესაძლოა, საჭიროდ თვლის ხელისუფლება",- განაცხადა ეკა გიგაურმა.