თავდაცვის ექს-მინისტრი, ბაჩო ახალაია საქართველოს შესახებ ებროსაბჭოს რეზოლუციას „დიდ უბედურებას“ უწოდებს. როგორც მან სასამართლო პროცესზე განაცხადა, ამ რეზოლუციის შემდეგ სასამართლოზე ზეწოლის ტალღა წამოვა.

„მინდა, ევროსაბჭოს რეზოლუციის გამო დიდი გულისტკივილი გამივხატო. ეს არის დიდი უბედურება. საქართველოს ასეთი კრიტიკული რეზოლუცია არასდროს მიუღია. ეს არის დიპლომატიურ კულტურულ ენაზე ნათქვამი ის უბედურება, რაც საქართველოში ხდება და 1000-ჯერ ნაკლები ასახვა იმ რეალობისა, რაც ქვეყანაში ხდება. ასეთი კრიტიკული რეზოლუცია საქართველოს შევარდნაძის დროსაც კი არ მიუღია", - განაცხადა ახალაიამ.

მისივე თქმით, ხელისუფლებამ გადაწყვიტა, რომ ევროსაბჭოს რეზოლუციაში არსებული პუნქტი, რომელიც აღკვეთის შეცვლას ეხება, მარტივად გადაწყვიტოს იმით, რომ გამამტყუნებელი განაჩენი დააყენოს.

„მე თუ მოლოდინი მქონდა, რონ გამამართლებელი განაჩენი დამდგარიყო, ამ რეზოლუციის შემდეგ გამიქრა. ახლა ყველაფერი მოსამართლის გამბედაობაზეა დამოკიდებული და მე თქვენი გამბედაობის მიმართ სკეპტიკურად ვარ განწყობილი“, - განაცხადა ახალაიამ საქალაქო სასამართლოში, სადაც ე.წ. ნავთლუღის სპეცოპერაციის საქმეზე სასამართლო პროცესი მიმდინარეობს.