უმრავლესობის წევრის მანანა კობახიძის თქმით, „თავისუფალი ზონა“ ამნისტირებულ ხალხს, საკუთარი ვებ-გვერდის საშუალებით, დანაშაულის ჩადენისკენ მოუწოდებენ.

ამის შესახებ კობახიძემ გადაცემა „რეაქციაში“ განაცხადა.

„თავისუფალი ზონის“ ვებ-გვერდს გადავავლე თვალი და იქ საინტერესო მოწოდებებს ნახავთ. ისინი ამნისტირებულ ხალხს მოუწოდებენ, რომ შეუვარდნენ ხალხს სახლში, დააუთოვონ მათი შვილები, იყაჩაღონ და ასე შემდეგ“, - განაცხადა კობახიძემ.

აღნიშნულ განცხადებას სტუდიაში მყოფი „ნაციონალური მოძრაობის“ წევრების გაღიზიანება მოჰყვა.

„თქვენ აქ იმიტომ მოხვედით, რომ ხალხი ამაში დაარწმუნოთ? სულ გაგიჟდით ქალბატონო მანანა?“, - მიმართა კობახიძეს პავლე კუბლაშვილმა.