თბილისის ყოფილი მერი გიგი უგულავა საქალაქო სასმარათლოში ევროსაბჭოს რეზოლუციას გამოეხმაურა.

მისი თქმით, მთელი მსოფლიო ხედავს, რომ 2012 წლის 1 ოქტომრბიდან საქართველო უკან მიდის.

„არსებობს ესეთი გამონათქვამი, როდესაც ყველა გეუბნება, რომ „ჩაინიკი“ ხარ, ბოლი უნდა გამოუშვა. უკვე მთელი მსოფლიო ბატონ ივანიშვილს და ბატონ ღარიბაშვილს ეუბნება, რომ საქართველო მიდის უკან, რომ იმ ქმედებებს, რაც 2012 წლის 1 ოქტომბერს მოჰყვა საქართველოსთვის უკიდურესაც სახიფათო ფორმა მიიღო“, - განაცხადა უგულავამ.

გიგი უგულავამ სასამართლო სხდომიდან სოლიდარობა გამოუცხადა „თავისუფალი ზონის“ დაკავებულ წევრებს.

საქალაქო სასამართლოში გიგი უგულავას პროცესი „თბილსერვის ჯგუფის“ საქმეზე მიმდინარეობს. პროცესზე ბრალდების მხარის 11 მოწმის დაკითხვა იგეგმება. გამოძიების ინფორმაციით, „თბილსერვის ჯგუფში“ „ნაციონალური მოძრაობის“ აქტივისტები იყვნენ დაკავებული.