თურქეთის პარლამენტმა მიიღო გადაწყვეტილება, ჩაერთოს „ისლამური სახელმწიფოს“ წინააღმდეგ ბრძოლაში. მეზობელი სახელმწიფოს გადაწყვეტილება როგორ აისახება საქართველოზე, ამის შესახებ „ნიუპოსტთან“ კომენტარს ექსპერტი თორნიკე შარაშენიძე აკეთებს:

„თურქეთის გადაწყვეტილება, ჩაერთოს „ისლამური სახელმწიფოს“ წინააღმდეგ ბრძოლაში, საქართველოსთვის არავითარი საფრთხის შემცველი არ არის. ამაში გასაკვირი არაფერი არ არის, თურქეთი არის დაინტერესებული იმით, რომ პრობლემა მოგვარდეს. სირია მისი უშუალო მეზობელია.

სირიიდან თურქეთში უამრავი ლტოლვილი გადავიდა, ასე რომ მის ინტერესებშია, რადიკალური ისლამი დამარცხდეს. ამ გადაწყვეტილებით თუ თურქეთი უფრო მეტად დაუახლოვდება ამერიკის შეერთებულ შტატებს ეს რა თქმა უნდა ჩვენ გვაწყობს“, - განაცხადა თორნიკემ შარაშენიძემ.