ექსპერტ გია ნოდიას შეფასებით, ბოლო დღეებში ორ ახალგაზრდულ ძალას შორის არსებული დაპირისპირება და „თავისუფალი ზონის“ ოფისთან მომხდარი ინციდენტი, ქვეყნის დემოკრატიული პროცესებისთვის კარგი არ არის.

„პრობლემა ის კი არ არის, რომ ვიღაც რადიკალია, რადიკალები ყოველთვის არსებობენ. პრობლემა იმაშია, თუ რამდენად ადეკვატურად მოქმედებს ხელისუფლება. ხელისუფლება პოლიტიკურ რადიკალიზმთან აშკარად არათანმიმდევრულად მოქმედებს. ხშირად უშვებს ძალადობას და ხშირად იქმნება შთაბეჭდილება, რომ ძალადობას ოპოზიციის მიმართ წაახალისებს. ეს არ შეიძლება კარგი იყოს ქვეყნისთვის. დემოკრატიული პროცესებისთვის და სტაბილურობისთვის ეს კარგი არ არის“, - აცხადებს ნოდია.

„თავისუფალი ზონის“ ოფისთან გუშინ რამდენიმე ახალგაზრდულმა ორგანიზაციამ საპროტესტო აქცია გამართა. ისინი „ასავალ-დასავალის“ ჟურნალისტის ზაზა დავითაიას ცემის ფაქტს აპრტესტებდნენ. ჟურნალისტსა და „თავისუფალი ზონის“ წევრებს შორის დაპირისპირება ორი დღის წინ მოხდა.