"გია ბოკერია წლების განმავლობაში ატყუებდა მთელ საერთაშორისო თანამეგობრობას და ყველაზე მეტად ამორალურ საქმეს ემსახურებოდა", - ამის შესახებ პრემიერ-მინისტრმა ევროსაბჭოს მიერ საქართველოს შესახებ მიღებული რეზოლუციის კომენტირებისას განაცხადა.

„ბოკერია არის ერთ-ერთი მთავარი პიროვნება, რომელიც წლების განმავლობაში ატყუებდა მთელ საერთაშორისო თანამეგობრობას. რაც სააკაშვილის რეჟიმის დროს ხდებოდა, ციხეებში პატიმრების გაუპატიურება და წამება ლენინის მეთოდებით, ამ ყველაფრის შეფუთვა და გასუფთავება და "გაპრავება" ევალებოდა ბოკერიას. დღეს გამოდიან ეს ადამიანები და ეუბნებიან მოსახლეობას, რომ რაღაც სასწაულ რეზოლუციას მიაღწიეს. არაფრისთვის არ მიუღწევიათ. ეს ადამიანები ებრძვიან სახელმწიფოს, ებრძვიან საკუთარ მოსახლეობას და აგრძელებენ იმას, რასაც წლების განმავლობაში აკეთებდნენ", - განაცხადა ირაკლი ღარიბაშვილმა.