გერმანიის კანცლერმა ანგელა მერკელმა ვლადიმირ პუტინთან სატელეფონო საუბრისას რუსეთის პრეზიდენტს შეახსენა, რომ რუსეთის ვალია ზეწოლა მოახდინოს აღმოსავლეთ უკრაინაში პრორუსულად განწყობილ სეპარატისტებზე.

გერმანიის მთავრობის წარმომადგენლის თანახმად, ორი ქვეყნის ლიდერებმა გამოთქვეს შეშფოთება იმის გამო, რომ უკრაინაში კვლავაც აქვს ადგილი ძალადობას. ანგელა მერკელის განცხადებით უკრაინასა და რუსეთს შორის საზღვარზე უნდა განხორციელდეს მონიტორინგი და ამ თვალსაზრისით ევროპაში უსაფრთხოებისა და თანამშრომლობის ორგანიზაციას დიდი როლი ეკისრება.

კანცლერის განცხადებით, გერმანია კვლავაც დაუჭერს მხარს ეუთოს მისიას უკრაინაში. მერკელი თვლის, რომ ამ მისიას შეუძლია მნიშვნელოვანი როლის შესრულება ადგილობრივი არჩევნებისას.