ევროსაბჭოს მიერ საქართველოს შესახებ მიღებული რეზოლუცია ხელისუფლებას უკეთ მუშაობისკენ მოუწოდებს. ამის შესახებ პარლამეტის თავმჯდომარემ განაცხადა.

დავით უსუფაშვილი დარწმუნებულია, რომ ყველა კითხვას, რომელიც რეზოლუციაშია პასუხი გაეცემა.

„დარწმუნებული ვარ, რომ ყველა კითხვაზე, რომელიც ამ რეზოლუციაშია გამოთქმული, დამაჯერებელი პასუხი იქნება გამოთქმული. იქნება დამაჯერებელი პასუხი ჩვენი ევროპული მეგობრებისთვის და არა მათთვის, ვინც ცდილობს ამ რეზოლუციას ამოეფაროს და რაიმეთი წარსულში ჩადენილი ბოროტმოქმედებები გაამართლონ. ეს რეზოლუცია ახალ ხელუსფლებას მოუწოდებს იმუშაოს უკეთ და არ ლაპარაკობს იმაზე, რომ წინა ხელისუფლება იყო კარგი და მათ ჩამოერეცხათ ის ყველაფერი, რაც ჩაიდინეს“, - განაცხადა უსუფაშვილმა.