ჟენევაში ეუთო-ს საშემოდგომო სესიაზე უკრაინაში არსებული ვითარება განხილვის მთავარი თემა იქნება.

შვეიცარიაში გამართულ დისკუსიას საქართველოს საპარლამენტო დელეგაცია დაესწრება. უმრავლესობის წარმომადგენელები სესიაზე სიტყვით გამოვლენ. ცნობილია, რომ განიხილება დევნილების პრობლემაც. შეხვედრაზე აქცენტი ოკუპირებულ რეგიონებში არსებულ მდგომარეობაზეც იქნება. დაგეგმილია პირისპირ შეხვედრები ეუთო-ს მაღალჩინოსნებთან.

„ძირითადი საკითხი იქნება უსაფრთოების საკითხი, უკრაინის მოვლენებიდან გამომდინარე და იმ მოვლენებიდან, რომელიც ხდება ისლამურ ე.წ. სახელმწიფოსთან დაკავშირებით. თუმცა ჩვენთვის უკრაინის საკითხი მჭიდროდ ეჯაჭვება საქართველოს საკითხს, ჩვენს უსაფრთხოებას, ამიტომ ასევე გვქნება ინფორმაცია თუ რა ხდება საქართველში“,- აღნიშნა გიგი წერეთელმა.