სამართალდამცველები „თავისუფალი თაობის“ ოფისთან გვიან საღამომდე პატრულირებდნენ.

ამის მიზეზი არასამთავრობო ორგანიზაციის მიერ მიწოდებული ინფორმაცია იყო, რომლის მიხედვით ტერიტორიაზე შეჭრას „თავისუფალი ზონის“ წევრები კვლავ გეგმავდნენ.

ხელახალი დაპირისპირების თავიდან ასაცილებლად ადგილზე რამდენიმე საპატრული ეკიპაჟი მორიგეობდა, თუმცა იქ "თავისუფალი ზონის" ორგანიზაციიდან არავინ მისულა.

ამავდროულად, „თავისუფალი თაობა“, ორი დღის წინ მომხდარი ინციდენტის გამოსაძიებლად, პროკურატურას, ორ კვირიან ვადას აძლევს. წინააღმდეგ შემთხვევაში, სასამართლოში სარჩელს „თავისუფალი ზონის“ წინააღმდეგ თავად შეიტანენ.