„აუცილებელია გავაღრმავოთ დემოკრატიული პროცესები, რათა რეალობად ვაქციოთ მომავლის ხედვა, რომელმაც ორი წლის წინ გაგვაერთიანა“, - ამის შესახებ „ქართული ოცნების“ ორწლიან მართვასთან დაკავშირებით პრეზიდენტის მიერ გავრცელებულ განცხადებაშია ნათქვამი.

„ორი წლის წინ, 2012 წლის 1 ოქტომბერს, დემოკრატიული არჩევნების შედეგად, საქართველოსთვის ისტორიული მნიშვნელობის პოლიტიკური ცვლილება განხორციელდა - პირველად მოხდა ხელისუფლების შეცვლა მშვიდობიანი გზით.

ეს დღე დასაწყისია ქართული დემოკრატიის კონსოლიდაციისა და იგი მუდმივ განვითარებას, ჩვენს უწყვეტ ძალისხმევას საჭიროებს. აუცილებელია განვაგრძოთ და გავაღრმავოთ დემოკრატიული პროცესები. მხოლოდ ამგვარად შეიძლება საზოგადოებრივი ცხოვრება განვითარების ახალ ეტაპზე გადავიდეს, სრულფასოვნად დავიცვათ ჩვენი ეროვნული ინტერესები, რეალობად ვაქციოთ მომავლის ხედვა, რომელმაც ორი წლის წინ გაგვაერთიანა“, - ნათქვამია განცხადებაში.