ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა, ალექსი პეტრიაშვილმა "ქართული ოცნების" ხელისუფლებაში ყოფნის ორი წლის თავი შეაფასა.

მისი თქმით, საამაყოა, რომ ამ დროის განმავლობაში საქართველომ ხელი მოაწერა ევროკავშირთან ასოცირების შეთანხმებას და უელსის სამიტიდან მიიღო მნიშვნელოვანი გადაწყვეტილებები.

"ხელისუფლებამ სერიოზული რეფორმები განხორციელდა ჯანდაცვის სფეროში. ბოლო პერიოში პოზიტიური ძვრებია ეკონომიკური განვითარების კუთხუთ. იყო გარკვეული შემაფერხებელი ფაქტორებიც. ჩვენ კიდევ უფრო მეტად უნდა გავაძლიეროთ მუშაობა ჩვენი საქმიანობის წარმოჩენის გზით და ამ მიმართულებით მთავრობას მედიასთან სერიოზული სამუშაო აქვს იმისათვის, რომ დილით, ნაცვლად ნეგატივისა, პოზიტიური განწყობა შევუქმნათ", - განაცხადა პეტრიაშვილმა.