ევროსაბჭოს პლენარულ სხდომაზე დღეს საქართველოს შესახებ ევროსაბჭოს მონიტორინგის ანგარიშს განიხილავენ.

ერთ-ერთ პუნქტში ასამბლეა შეშფოთებას გამოთქვამს თავდაცვის ექს-მინისტრის, ბაჩო ახალაიას წინაპატიმრობის ხანგრძლივი პერიოდის გამო.

გუშინ კომიტეტის დახურულ სხდომაზე, რეზოლუციის პროექტში, რამოდენიმე შესწორება შევიდა.

როგორც „ნაციონალური მოძრაობის“ წევრები ამბობენ, სწორედ მათი შესწორება იქნა ტექსტში შეტანილი.

„ეს იქნება ძალიან კონკრეტული სიგნალი და სამართლებრივი და პოლიტიკური დოკუმენტი, რომლითაც ევროსაბჭო ადამიანის უფლებებთან შეუსაბამოდ მიიჩნევს წინასწარი დაკავების გამოყენებას და ქონების დაყადაღებას, განსაკუთრებით პოლიტიკურად მოტივირებულ დაკავებებში“, - განაცხადა ჩიორა თაქთაქიშვილმა.

არსებული პროცედურის მიხედვით, დღეს რეზოლუციას ჯერ მომხსენებლები წარადგენენ. ამის შემდეგ დაიწყება დებატები. სწორედ ამის შემდეგ გახდება რეზოლუციის საბოლოო ვერსია ცნობილი. რეზოლუციის საბოლოო ვერსია ცნობილი დღეს გახდება.