ექსპერტ ელენე ხოშტარიას აზრით, ახალი ხელისუფლების მმართველობის პერიოდში არსებობს რამდენიმე პრობლემა, რომელმაც კითხვის ნიშნის ქვეშ შეიძლება დააყენოს ქვეყნის უსაფრთხოება და დასავლეთში ინტეგრაცია

"ჩვენ ვხედავ რამდენიმე პრობლემას რომელმაც საერთოდ კითხვის ნიშნის ქვეშ შეიძლება დააყენოს ჩვენი უსაფრთხოება და დასავლეთში ინტეგრაცია.

პირველი, ეს არის გამოკვეთილი არაკორდინირებულობა საგარეო პოზიციების.

მეორე, ეს არის ილუზია, თითქოს მარტოს შეგვიძლია დავალაგოთ რუსეთთან ურთიერთობა, თითქოს შესაძლებელია დასავლეთთან ინტეგრაცია შევათავსოთ რუსეთთან ურთიერთობის დალაგებას, ამან შეიძლება მოგვიტანოს საფრთხე , რომ რუსეთის წინააღმდეგ შეიძლება აღმოვჩნდეთ მარტო. პრემიერ-მინისტრი დასავლეთის ტრიბუნებზე საერთოდ არ ახსენებს ისეთ საფრთხეებს, როგორიცაა მავთულხლართები, აფხაზეთში გალის მოსახლეობის პრობლემა, აფხაზეთში მიმდინარე რუსეთთან ასოცირების პრობლემა, ცდილობს ილაპარაკოს რომ თითქოს დალაგებისკენ მიდის საქმე და ეს ასუსტებს დასავლეთის ყურადღებას.

მესამე, ეს არის შიდა ვიწრო პოლიტიკური ინტერესების გამო ჩვენი საგარეო ინტერესებვის დაზიანება, ეს ეხება როგორც ნაციონალურ მოძრაობასთან ურთიერთობის უხეშ ფორმებს, ასევე საერთაშორისო რეაქციებზე უხეშ და ლანძღვის ფორმებით პასუხს.“- განაცხადა ელენე ხოშტარიამ გადაცემა "არჩევანის" ეთერში.