„ლეიბორისტული“ პარტიის ლიდერმა შალვა ნათელაშვილმა, ტელეკომპანია „რუსთავი 2“-ის ეთერში გადაცემა „არჩევანში“ საქართველოს პრეზიდენტსა და პრემიერს შორის არსებულ დაძაბულობაზე ისაუბრა.

„იმაზე ჩხუბი, რომ პრეზიდენტი წავიდეს ნიუ-იორკში თუ პრემიერ-მინისტრი, თუ დავოსი რომელმა მოინახულოს, მთელი სახელმწიფო პოლიტიკა ამაზეა აწყობილი, ვინ სად დაისვენებს და ვინ სად იგრიალებს უფრო კარგად. იმდღეს გამოვიდა მილიარდელი და დატუქსა პრეზიდენტი, გაეროს სამიტზე ძალიან ბევრი ხარჯი იქნებაო, დღეს კი ვნახულობ დელეგაციის შემადგენლობას და 43 კაცი წაუყვანია ღარიბაშვილს ნიუ-იორკში, ეს რაოდენობა ნიკიტა ხრუშჩოვსაც არ ჰყავდა 60-იან წლებში, როდესაც ჩავიდა გაეროს ტრიბუნაზე, ფეხსაცმელი გაიხადა და ურტყავდა ტრიბუნას“,- განაცხადა შალვა ნათელაშვილმა.