საპარლამენტო უმცირესობის წევრის დავით საყვარელიძის განცხადებით, რიგითი მოქალაქეებისთვის ხელისუფლების მიღწევების სიმპტომები ჯერჯერობით არ ჩანს. "სამწუხაროდ, ქართული ოცნების თვითტკბობა რჩება თვითტკბობად"- აღნიშნა დეპუტატმა "რუსთავი 2"-ის გადაცემა "არჩევანში"

"მიღწევებში ასახელებენ თავისუფალ გარემოს. თავისუფალი გარემო არის ძალიან ბევრი უპასუხისმგებლოდ და მავნებლურად გათავისუფლებული კრიმინალისთვის. ბოლო თვეები და განსაკუთრებით, ზაფხული იყო კატასტროფული იყო კრიმინალის ჩადენის კუთხით. ორი წლის წინ, ყველაზე არაპოპულარულ პერიოდში ვლაპარაკობდით იმაზე, რომ არ შეიძლებოდა ასეთი გაუაზრებელი ამნისტიის განხორციელება და რეალიზება. არ შეიძლება რომ პოლიტიკური პარტია ასეთ ელექტორატთან შეხვიდე გარიგებაში თუნდაც ათობით ათასი ხმის გამო. ამის გამოა, რომ დგას დიდი პრობლემა. ამის სანაცვლოდ, ხელისუფლება დამცინავი სტატისტიკით, იზორიას სტატისტიკით ცდილობს დაარწმუნოს საზოგადოება, რომ ეს ყველაფერი არის მოჩვენებითი. იმას კი არ ამბობენ, რომ "შეცდომა დავუშვით, ვიჩქარეთ, გვქონდა ვალდებულება კანონიერ ქურდებთან, ყაჩაღებთან და მათ ნათესავებთან, მაგრამ ყველაფერს გავაკეთებთ იმისთვის, რომ ეს შეცდომა გამოვასწოროთ". არა, საუბარია იმაზე, რომ "თქვენ გეჩვენებათ, ჩვენ ავაშენეთ იდეალური სახელმწიფო, სადაც დანაშაული არ ხდება და კრიმინალი ილუზიაა" - განაცხადა საყვარელიძემ

დპუტატის განცხადებით ქვეყნისთვის დიდი პრობლემაა პროტექციონიზმიც.

"ვერ დამისახელებენ ერთ საჯარო უწყებას, სადაც კონკურსის წესით შეარჩიეს დანიშნეს თანამდებობის პირი. არ არსებობს ასეთი პრეცედენტი, ნათესავებით არის ავსებული თითქმის ყველა სამინისტრო. ადგილობრივ თვითმმართველობა. სასამართლოს თავისუფლებაში რა იგულისხმება, არ ვიცი, როცა ერთ საქმეს ხან რუსთავში დაათრევენ, ხან ქუთაისში, რომ პოლიტიკური ოპონენტი დასაჯონ და გამოამწყვდიონ ციხეში, ან აეროპორტში აკავებენ არჩევნების წინა დღეებში მთავარი ოპოზიციური ძალის საარჩევნო შტაბის უფროსს და ამ გზით უნდათ მოგება. მოსამართლეებს უყენებენ კამერებს და ამ გზით აშანტაჟებენ. ხვედელიძის მსგავსი ხალხი კი, არის გარეთ" - განაცხადა საყვარელიძემ