საპარლამენტო უმრავლესობის წევრი ზაქარია ქუცნაშვილმა ორი წლის განმავლობაში საქართველოს ყველაზე დიდი მიღწევებისა და წარუმატებლობის შესახებ ისაუბრა.

„მთავარი მიღწევა არის ის, რომ პირველმა ოქტომბერმა მოიტანა თავისუფლება. ის მთავარი ღირებულება, რისთვისაც ადამიანი და ადამიანობა არსებობს - თავისუფლება მედიისთვის, თავისუფლება ბიზნესისთვის, თავისუფლება არჩევნებისთვის, თავისუფლება სასამართლოსთვის. ეს არის 4 მთავარი მიღწევა, რასაც მე როგორც მოქალაქე, ვუთვლი ჩვენს ხელისუფლებას წარმატებად, იმიტომ, რომ მე ვხდავ, რომ ამ ოთხ მიმართულებაში თავისუფლება ქართველი ხალხის მხარდაჭერით და ბატონი ბიძინას ხელმძღვანელობით შევძელით და შემოვიტანეთ“,- აღნიშნა ზაქარია ქუცნაშვილმა.

ამის შესახებ დეპუტატმა ტელეკომპანია „რუსთავი 2“-ის ეთერში გადაცემა „არჩევანში“ სტუმრობისას განაცხადა.

„რაც შეეხება მეორე ნაწილს, წარუმატებლობას, მთავარ პრობლემად საქართველოს ბოლო სამი ათწლეულის მთავარ პრობლემად რჩება უმუშევრობა და სიღარიბე. ეს პრობლემა არის და ჩვენ, იმ მდგომარეობას, რომელიც მემკვიდრეობად გვერგო, რომ ერთ დასაქმებულზე მოდის 3 სოციალურად დასაცავი პირი, შეუძლებელია შექმნა ჯანსაღი და თვითკმარი სოციალური უსაფრთხოების ბადე. მეორე ეს არის უსაფრთხოება, მესამე კი ეს არის ტერიტორიული მთლიანობა“,- განაცხადა ქუცნაშვილმა.