დავით შავლიაშვილი გერმანიაში შეხვედრებს გამართავს

პოლიტიკა - 18:29, 30 Sep, 2014

2697

საქართველოს რეგიონული განვითარებისა და ინფრასტრუქტურის მინისტრი დავით შავლიაშვილი გერმანიაში გაემგზავრა.

მინისტრი მონაწილეობას მიიღებს კონფერენციაში, სახელწოდებით „მდგრადი ურბანული განვითრება სამხრეთ კავკასიაში“, გამართავს შეხვედრებს გარმანიის განვითარებისა და რეკონსტრუქციის ბანკთან (KFW) და ურბანული განვითარების კუთხით საინტერესო ობიექტებს მოინახულებს.

კონფერენცია - „მდგრადი ურბანული განვითრება სამხრეთ კავკასიაში“ ითვალისწინებს გერმანიის სახელმწიფოს ფინანსური დახმარების ფარგლებში საქართველოსთან, სომხეთსა და აზერბაიჯანთან მიმდინარე და სამომავლო თანამშრომლობის საკითხების განხილვას. აღნიშნულ კონფერენციაზე ქართულ მხარესთან ერთად მიწვეულნი არიან სამხრეთ კავკასიის ქვეყნების შესაბამისი სახელმწიფო უწყებების წარმომადგენლები.

ბერლინში იმყოფებიან და კონფერენციას ესწრებიან: საქართველოს რეგიონული განვითარებისა და ინფრასტრუქტურის მინისტრის პირველი მოადგილე გიორგი ამაშუკელი, აჭარის მთავრობის თავმჯდომარე არჩილ ხაბაძე, თბილისის მერი დავით ნარმანია, ქუთაისის მერი შოთა მურღულია, შპს „მყარი ნარჩენების მართვის კომპანიის“ დირექტორი გიორგი შუხოშვილი, „საქართველოს გაერთიანებული წყალმომარაგების კომპანიის“ დირექტორი არჩილ ცაბუტაშვილი.