რა წერია ევროსაბჭოს მონიტორინგის კომიტეტის ანგარიშში ბაჩო ახალაიასთან დაკავშირებით - ტექსტის საბოლოო ვარიანტი ცნობილი ხვალ უნდა გახდეს. ანგარიშში შესწორებები საქართველოს პარლამენტის უმრავლესობისა და უმცირესობის მოთხოვნით შევიდა.

„ნაციონალური მოძრაობა“ ირწმუნება, რომ ტექსტში აქცენტი ქვეყენაში არსებულ პოლიტიკურ დევნაზეა გაკეთებული და ამ კონტექსტში ევროსაბჭო, ახალაიასთვის აღკვეთი ღონისძიების არასაპატიმროთი ჩანაცვლების რეკომანდაციითაც გამოდის. მიხელ სააკააშვილთან დაკავშირებით კი მიმდინარე საქმის უფრო მეტად გამჭვირვალობის აუცილებლობაზე მიუთითებენ.

„ანგარიშში იმ სახით რა სახითაც ის დღეს არის, ძალიან ნათლად არის წარმოჩენილი, რომ დაუშვებელია არსებობდეს შერჩევითი სამართალი, პოლიტიკურად მოტივირებული დევნა. კონკრეტუილად ბაჩო ახალაიას საქმესთან დაკავშირებით ნათქვამია, რომ ის ხანგრძლივი პერიოდი, რომლის განმავლობაშიც ის მხოლოდ წინასწარ პატიმორბაში არის ეს არის შეუთავსებელი ევროპის კონვენციასთან და სტანდარტებთან.“,- განაცხადა ჩიორა თაქთაქიშვილმა.

უმრავლესობაში კი აცხადებენ, რომ მათი მოთხოვნით ტექსტიდან ბაჩო ახალაიასთან დაკავშირებით რეკომენდაცია ამოღებულია, რადგან მსაგავსი ფორმულირება სასამრთლო პროცესზე გარეშე მხრიდან ზეწოლის ტოლფასი იქნებოდა, თუმცა დოკუმენტში ახალაიასა და ყოფილი პრეიზდენტის გვარები მაინც ფიგურირებს.

„მთლიანობაში რეპორტი დაწერილი არის კარგად და ობიექტურად, თუმცა რაღაცეების შესწორება იქ შეიძლება და ჩვენ ამაზე ვიმუშავებთ, ისე როგორც დარწმუნებული ვარ, ოპოზცია იმუშავებს, რომ გაამკაცროს ტონი“,- განაცხადა ლევან ბერძენიშვილმა.

ევროსაბჭოს მონიტორინგის კომიტეტის ანგარიშში საქართველოში დემოკრატიულ ინსტიტუტებთან დაკავშირებით არსებულ ვითარებაზე ხვალ ევროსაბჭოს პლენარულ სხდომაზე განიხილება.