დავოსის ეკონომიკური ფორუმი პრემიერის და პრეზიდენტის ადმინისტრაციებს შორის შესაძლოა დავის კიდევ ერთი საგანი გახდეს. ჯერჯერობით უცნობია ვინ გაემგზავრება აღნიშნულ ფორუმზე, როგორც ცნობილია მიწვევა ორივე მხარეს აქვს მიღებული. ამის შესახებ დღეს პრეზიდენტის ადმინისტრაციაში განცხადება გაკეთდა.

ეკონომიკურ საკითხებში პრეზიდენტის მრჩეველის განცხადებით, აღნიშნულ თემაზე ჯერჯერობით შეთანხმება მიღწეული არ არის:

„მნიშვნელოვანი დეტალია, რომ ნებისმიერ შემთხვევაში ამა თუ იმ ღონიძიებაში მონაწილეობის მიღება დამოკიდებულია პრეზიდენტის სამუშაო გრაფიკზე. დამოკიდებულია ღონისძიების რანგზე და მის მიზანშეწონილობაზე. აღნიშნულთან დაკავშირებით რაიმე ტიპის მსჯელობა არ ყოფილა. გუშინ ეს შეთავაზება თურქეთში ვიზიტის ფარგლებში გაკეთდა. მთავარი დეტალი არის ის, რომ მსოფლიო ეკონომიკური ფორუმი არის ძალიან მნიშვნელოვანი ღონისძიება, სადაც ქვეყანა მაქსიმალურად კარგად უნდა იყოს წარმოდგენილი“, - განაცხადა აბაშიშვილმა.