აღმოსავლეთ პარტნიორობის ექვს ქვეყანას შორის, მედიის თავისუფლების ინდექსში საქართველო პირველ ადგილზეა.

კვლევა, რომლიც ფარგლებშიც 60 მედიაექსპერტი გამოიკითხა, მიმდინარე წლის მხოლოდ პირველ ნახევარს მოიცავს და შეფასებულია მხოლოდ გამოხატვის თავისუფლების დონე.

კვლევის თანახმად, მეორე ადგილზეა მოლდოვა, მესამეზე კი - უკრაინა. შემდეგ პოზიციაზე არიან სომხეთი, აზერბაიჯანი და ბელორუსი.

კვლევის თანახმად შეფასების კრიტერიუმებია: პოლიტიკური კონტექსტი და არსებული პრაქტიკა (მედიის თავისუფლების შეზღუდვა), მათ შორის თავდასხმები, მუქარა, დაკავებები, გამოძიებები, ინფორმაციაზე წვდომის კუთხით ცენზურა და თვითცენზურა.