საქართველოს პრემიერ-მინისტრმა დავოსში ეკონომიკურ ფორუმზე მიწვევა ჯერ კიდევ 14 მაისს მიიღო. ამის შესახებ საგარეო საქმეთა მინისტრმა მაია ფანჯიკიძემ მთავრობის სხდომის დაწყებამდე განაცხადა.

მისი თქმით, ქართული მხარიდან დასტური გაიგზავნა, რომ ირაკლი ღარიბაშვილი ფორუმში მონაწილეობას მიიღებს.

„მე არაფერი ვიცი იმის შესახებ თუ რაზე ისაუბრა პრეზიდენტმა თურქეთში. მე ვიცი მხოლოდ ის, რომ 14 მაისს პრემიერმა დავოსიდან მიიღო მოწვევა და ჩვენ დაუდასტურეთ მისი მონაწილეობა. პრემიერი აუცილებლად წავა“, - განაცხადა ფანჯიკიძემ.

დავოსში ეკონომიკურ ფორუმზე საქართველოს პრეზიდენტი ფორუმის თავმჯდომარემ მიიწვია. აღნიშნული საკითხი უკვე გახდა განსჯის საგანი. საპარლამენტო უმრავლესობაში აცხადებენ, რომ ეკონომიკური პროფილი პრემიერის პრეროგატივაა და ფორუმზე ირაკლი ღარიბაშვილი უნდა გაემგზავროს.

შვეიცარიის ქალაქ დავოსში ეკონომიკური ფორუმი ყოველი წლის დასაწყისში იმართება. წელს დავოსის ეკონომიკურ ფორუმს ქართული მხრიდან პრემიერ-მინისტრი ირაკლი ღარიბაშვილი, 2013 წელს კი – ბიძინა ივანიშვილი ესწრებოდა.