საქართველოს პრეზიდენტმა მსოფლიო ეკონომიკური ფორუმის ფარგლებში გამართულ დისკუსიაში მიიღო მონაწილეობა. საქართველოსა და რუსეთს შორის ურთიერთობები, უკრაინაში განვითარებული მოვლენები და ევროინტეგრაცია, ეს ის მთავარი საკითხებია, რაზეც მარგველაშვილმა გაამახვილა ყურადღება.

„საქართველოს ევროპული ინტეგრაცია განაპირობა ისტორიულმა ფაქტორმა და სურვილმა, იცხოვროს იმ ოჯახთან ერთად, სადაც პატივს სცემენ თავისუფლებას, არსებობდა ეკონომიკური ფაქტორებიც, რადგან ევროპული ბაზარი უდიდესია მსოფლიოში.

უკრაინის ევროპული არჩევანი ის ისტორიაა, რომელიც ჩვენ გვქონდა ექვსი წლის წინ, როდესაც საქართველოს ტერიტორიების ოკუპაცია მოხდა. ჩვენ ევროპული არჩევანისთვის უკვე დავისაჯეთ თუ ამაზეა საუბარი, მაგრამ რაც 2008 წელს საქართველოში მოხდა, განმეორდა უკრაინაში, ყირიმში.

საქართველოს ოკუპაციის საკითხში, ამ ექვსი წლის განმავლობაშიაქტიურად რომ ყოფილიყო წამყვანი თემა საერთაშორისო ფორუმებში, ადვილი აღარ იქნებოდა დრამატული მოვლენების გათამაშება უკრაინაში.

ევროპულმა ქვეყნებმა სწორი გადაწყვეტილება მიიღეს და აღიარეს, მათ შორის ნატო-ს სამიტზე, რომ რასაც რუსეთი აკეთებს ცუდია და არ უნდა შევეგუოთ“, - განაცხადა მარგველაშვილმა.