პატრიარქის მოწოდებას, მედიაში ნეგატიური მოვლენების ნაკლებად გაშუქებასთან დაკავშირებით გამოხმაურება მოჰყვა ექსპერტებში, საკვირაო ქადაგებასთან დაკავშრებით კომენტარი გააკეთა პოლიტოლოგმა რამაზ საყვარელიძემ, რომელიც აცხადებს, რომ მედიის მხრიდან კრიმინალის გაშუქება მხოლოდ საქართველოში არ ხდება, თუმცა მისივე განმარტებით, საერთშორისო არენაზე საქართველოს იმიჯს დიდწილად განსაზღვრავს მედიის მიერ გავრცელებული ინფორმაცია.

„დღეს ჟურნალისტებს აქცენტი გადატანილი აქვთ უარყოფითი მოვლენებისკენ, მეტწილად ასეთი ფაქტები შუქდება. უცხოური ჟურნალისტიკაც ასეა აგებული, უმთავრესად, სკანდალური ფაქტები შუქდება და ამ სკანდალებში ნეგატიური უფროა, ვიდრე პოზიტიური და დადებითი მოვლენები. ეს მარტო საქართველოში არ ხდება, თუმცა არის ერთი მნიშვნელოვანი მომენტი. ქვეყნის იმიჯი დიდწილად არის დამოკიდებული მედიით გავრცელებულ ინფორმაციებზე. ფაქტია, დღეს დიდი დოზით შუქდება კრიმინალური შემთხვევები, არ ვიტყვი, რომ ჟურნალისტები რაიმეს იგონებენ, მაგრამ ადრინდელთან შედარებით, ამგვარი მოვლენები თითქმის 100 პროცენტით შუქდება. ბევრ ადამიანს სწორედ მედია უქმნის ქვეყნის იმიჯზე წარმოდგენას. საქართველოს საგარეო იმიჯზე არ ვლაპარაკობ, უცხოელები ჩვენს შესახებ წარმოდგენას ჩვენი მედიით არ იქმნიან. ქვეყნის საშინაო იმიჯზე მოგახსენებთ, ჩვენს მოქალაქეებზე მოგახსენებთ. შესაბამისად, ბევრი მართლა ფიქრობს, რომ ქვეყანაში ცუდის მეტი არაფერი ხდება და მართლა კრიმინალმა წალეკა ქვეყანა“, - განუცხადა საყვარელიძემ

საქართველოს კათოლიკოს-პატრიარქმა, ილია მეორემ მედიასაშუალებებს მოუწოდა, რომ ნეგატიური მოვლენები ნაკლებად გააშუქონ, განსაკუთრებით კი კრიმინალი.

აღნიშნული მიმართვას, რომელიც უწმინდესმა საკვირაო ქადაგებისას წარმოთქვა, ბევრი შეკითხვა გააჩინა.

„ქრონიკას“.