ივანიშვილის და ზაქარეიშვილის გზა მოუნანიებელ მკვლელებთან დანებების გზაა

ივანიშვილის და ზაქარეიშვილის გზა მოუნანიებელ მკვლელებთან დანებების გზაა - ზაზა ბიბილაშვილი

სოც.მედია - 23:42, 27 Sep, 2014

2461

,,ბევრს დღესაც სჯერა, რომ აფხაზებს ჩვენი "მილიტარისტული" რიტორიკისა ეშინიათ და რომ სწორედ ეს აფერხებს ჩვენს დაბრუნებას აფხაზეთში. ეს არის სისულელე. თავი დავანებოთ იმას, რომ სამხედრო-პოლიტიკური კონფლიქტი ყოველთვის იყო რუსეთსა და საქართველოს შორის. საყოფაცხოვრებო კონფლიქტს რაც შეეხება, აფხაზს იმის კი არ ეშინია, რომ სამხედროფორმიან ნინი ბადურაშვილს ხედავს მუსიკალურ კლიპში (თუმცა, არც ეს უნდა სიამოვნებდეს), არამედ იმისა, რომ ვიღაც ყავს მოკლული, ვიღაც ყავს გაუპატიურებული, ვიღაც - თავისი მიწა-წყლიდან აყრილი და დღემდე მის სახლში ცხოვრობს. დევნილების დაბრუნების შემთხვევაში, სულ რომ ნახევარი მილიონი "განდი" დაბრუნდეს, აფხაზებს მოუწევთ მათთვის ქონების დაბრუნება და, რაც მთავარია, იმ აპარტეიდულ სისტემასთან შელევა, რომელიც უმცირესობის ტირანიას უზრუნველყოფს. მათ მოუწევთ დემოკრატიაში ცხოვრება, სადაც თითო ადამიანს ერთი ხმა აქვს. ამას კი ისინი არ უშვებენ. პრობლემა იმაშია, რომ ქართველებისგან განსხვავებით, აფხაზებს, როგორც საზოგადოებას, არ გაუცნობიერებიათ, რომ (როგორც მინიმუმ მათაც) უამრავი დანაშაული აქვთ ჩადენილი. ჩვენი ამოცანა უნდა იყოს, აფხაზებს ამგვარი კათარზისის განცდაში დავეხმაროთ, რაც საშუალებას მოგვცემს მოვილაპარაკოთ სამართლიან საყოფაცხოვრებო მშვიდობაზე, მას შემდეგ, რაც რუსეთთან პოლიტიკური პრობლემა მოგვარდება. ივანიშვილის და ზაქარეიშვილის გზა აქამდე თეორიულადაც ვერ მიგვიყვანს. ივანიშვილის და ზაქარეიშვილის გზა მოუნანიებელ მკვლელებთან და ეთნოწმენდის ავტორებთან დაყვავების და დანებების გზაა“, - წერს ზაზა ბიბილაშვილი ,,ფესიბუქის“ გვერდზე.