საქართველოს უშიშროების ყოფილი მინისტრი ვალერი ხაბურძანია ქართულ პოლიტიკაში დაბრუნებას გეგმავს და პარტნიორებად ქვეყანაში მოქმედ პრორუსულ გაერთიანებებს მოიაზრებს. ხაბურძანია დასაშვებად მიიჩნევს თანამშრომლობას კახა კუკავასთან, ირინა სარიშვილთან და ნინო ბურჯანაძესთან:

„შევეცდები თავი მოვუყარო ე.წ. რუსეთზე ორიენტირებულ ძალებს. ეს არის ქალბატონი ნინო ბურჯანაძის პარტია, მასთან ერთად შეიძლება ჩაითვალოს ირინა სარიშვილის პარტია „იმედი“, კახა კუკავა ამ თვალსაზრისით მოღვაწეობდა და ახლა პასიური გახდა, არის რაღაც მეთოდები, რომლის მეშვეობითაც მათთან ნიადაგს მოვსინჯავ“, - განაცხადა ხაბურძანიამ.