დღეს თბილისში ახალი სახალხო მოძრაობა, „აფხაზთა კრება“ შეიკრიბა, არასამთავრობო ორგანიზაციათა ინიციატივით გაერთიანებული დევნილები და სხვადასხვა ორგანიზაციის წარმომადგენლები ჭადრაკის სასახლეში აფხაზეთთან მიმართებაში დილიდან მთავრობის პოლიტიკაზე მსჯელობდნენ. ამ ყოველივეს კი აფხაზეთის ავტონომიური რესპუბლიკის მთავრობის თავმჯდომარე ვახტანგ ყოლბაია გამოეხმაურა:

„5 კაციანი ჯგუფი, თუნდაც 50 კაციანი ჯგუფი, ვისაც ჩემს მაგივრად უნდა ამოსკუპება ამ სკამზე, ეს მისი პრობლემაა, თავისუფლებაა და ამ თავისუფლების ფარგლებში მას შეუძლია თქვას რაც უნდა. მათ არ იციან ელემენტარული სამართლებრივი ნორმები, როგორ კეთდება ეს“, - განაცხადა ყოლბაიამ.