საქართველოს პრემიერმინისტრმა ირაკლი ღარიბაშვილმა გაეროს გენერალური ასამბლეის 69-ე სესიაზე სიტყვით გამოსვლისას საქართველოს შეიარაღებული ძალების საერთაშორისო მისიაში ჩართულობის შესახებაც ისაუბრა:

„საქართველო ნატოს არაწევრ ქვეყნებს შორის ავღანეთში საერთაშორისო უსაფრთხოების მხარდაჭერის ძალებში ყველაზე დიდი წვლილის შემტანია. ჩვენ მზად ვართ, მონაწილეობა მივიღოთ მხარდაჭერის ძალების გამოსვლის შემდეგ დაგეგმილ მისიაში. ამ ოპერაციას დაწყებისთანავე ჩვენი ქვედანაყოფები, სამედიცინო და სამხედრო პერსონალისა და ინსტრუქტორების ჩათვლით, მზად იქნებიან ჩაერთონ მოქმედებაში. გარდა ამისა, ჩვენ ვგეგმავთ ავღანეთში ინსტიტუციონალური აღმშენებლობის წვლილის შეტანას.

ჩვენ მხარში ვუდგავართ ჩვენს მოკავშრეებს ტერორიზმისა და ორგანიზებული დანაშაულის ყველა ფორმასთან ბრძოლაში, ყველგან, მთელ მსოფლიოში, ჩვენ ასევე ვამაყობთ, რომ წვლილი შეგვაქვს ერთიანი უსაფრთხოების და თავდაცვის პოლიტიკის ფარგლებში ევროკავშირის ძალისხმევაში, რომლის მიზანიცაა მსოფლიოში მშვიდობისა და უსაფრთხოების განმტკიცება. ამ კონტექსტში, როგორც სიდიდით მეორე მონაწილე, ქართული ბატალიონი და ქვეითი ქვედანაყოფი უკვე ჩაერთო ცენტრალური აფრიკის რესპუბლიკაში ევროკავშირის ოპერაციაში.

ჩვენი მზადყოფნა, გვერდში დავუდგეთ ჩვენს მოკავშრეებს, არ არის ერთადერთი გზა, რომლითაც საქართველო, როგორც გლობალური უსაფრთხოების მიმწოდებელი ქვეყანა, ასრულებს თავის როლს“, - განაცხადა ღარიბაშვილმა.