საქართველოს საგარეო საქმეთა ყოფილი მინისტრი გრიგოლ ვაშაძე აცხადებს, რომ საზოგადოებაში მნიშვნელოვანი პროცესი დაიწყო, რაც მოქალაქეების მხრიდან, მათ შორის აფხაზეთიდან დევნილი ადამაინების მიერ პოლიტიკურ პროცესებში ჩართვას გულისხმობს:

„ჩვენს საზოგადოებაში დაიწყო ძალიან მნიშვნელოვანი პროცესი, როდესაც მოქალაქეები, მათ შორის აფხაზეთიდან დევნილები მიხვდნენ, რომ მათთვის ძალიან მნიშვნელოვანია, ყველანაირ პოლიტიკურ პროცესში მონაწილეობის მიღება და რაც მთავარია, ხმის ამაღლება იმისათვის, რომ აფხაზეთის ავტონომიური რესპუბლიკის უმაღლესი საბჭო და მთავრობა გახდეს დევნილების ინტერესების გამომხატველი და ამ ინტერესებზე მზრუნველი“, - განაცხადა გრიგოლ ვაშაძემ.